Koronavirusi: çast pas çasti

Behrami rrëfehet për Covid-19: Isha i frikësuar

Mesfushori shqiptar ka treguar për përballjen me Covid-19 dhe frikën që ka pasur

Valon Behrami ka kaluar koronavirusin. Ai ishte njëri ndër 17 futbollistët e prekur te Genoa me Covid-19.

Në një intervistë për Sky Sport të Italisë ka treguar për përballjen me këtë sëmundje, përcjell albinfo.ch.

“Ishin ditë të vështira, veçanërisht në nivelin mendor. Fizikisht jam mësuar të rinis pas një ndalese dhe kështu do ta bëj përsëri, por aspekti mendor ishte diçka që unë e dija më pak. Unë duhej të përballesha me frikën, për mua dhe për familjen time, sepse në ato momente nuk jeni një futbollist i sëmurë, por thjesht një njeri i sëmurë”, ka thënë Behrami.

Sfida Genoa-Torino u anulua për këtë arsye, derisa Genoa do të përballet të hënën me Veronën.

“Në këto momente, dëshira për të ndihmuar dhe sakrifikuar veten duhet të dalë edhe më shumë për shokun e skuadrës. Do të jetë një provë e pjekurisë për të gjithë ne, sepse në vështirësi duhet të dalë karakteri i burrave të vërtetë. Në Verona do të na duhet performance e mirë, sepse do të jetë dikush që nuk do të jetë me 100% dhe atje do të duhet të dalin udhëheqësit e këtij grupi”, shtoi tutje mesfushori shqiptar.

Në fund, Behrami u përpoq t’i jepte një shpjegim situatës që është krijuar brenda mjedisit të Genova-s, me një shpërthim të vërtetë që shpërtheu për disa ditë në klubin italian. “Miliona njerëz janë infektuar, kështu që ne nuk mund të të ndihemi fajtorë për atë që kemi jetuar. Ne bëjmë një jetë që na ekspozon për të kontaktuar me njerëz të tjerë dhe nuk mund ta fajësojmë veten për këtë. Ditën tjetër kishte 9000 të infektuar në Itali dhe sigurisht jo të gjithë janë të papërgjegjshëm”.