Shkurt.ch
Bie numri i kërcënimeve ndaj politikanëve zviceranë gjatë 2018-ës
Sipas Zyrës Federale për Policinë (Fedpol), gjatë vitit të kaluar janë regjistruar 669 njoftime nga politikanë, gjyqtarë dhe nëpunës federalë të cilët kanë marrë kërcënime të ndryshme
Ndonëse numri i rasteve të kërcënimeve ndaj politikanëve, gjyqtarëve dhe nëpunësve të nivelit nacional ka shënuar një ulje, është rritur intensiteti i kërcënimeve në fjalë.
Sipas Zyrës Federale për Policinë (Fedpol), gjatë vitit të kaluar janë regjistruar 669 njoftime nga politikanë, gjyqtarë dhe nëpunës federalë, të cilët kanë marrë kërcënime të ndryshme. Ky numër ka qenë për 57 më i vogël se ai i një viti më parë, shkruan gazeta ”Schweiz am Wochenende”. Ndërkaq 43 nga të gjitha këto raste, Policia Federale i konsideron kërcënime serioze. Këto shifra dalin nga raporti më i ri vjetor i Fedpolit, transmeton albinfo.ch.
Nuk ka numra për të krahasuar rastet e kërcënimeve serioze që kanë ndodhur vitin e kaluar me ato të viteve të mëparshme, pasi që një listë të tillë Këshilli Federal e ka përpiluar për herë të parë në këtë raport.
Lidhur me këto kërcënime, autoriteti policor federal gjatë vitit 2018 ka alarmuar mësatarisht më shumë tri herë në muaj policitë kantonale përkatëse, për të mbrojtur politikanët.
Njoftimet kanë të bëjnë me persona, të cilët qëndrojnë nën mbrojtjen e federatës, ku hyjnë anëtarët e Këshillit Federal (ministrat), parlamentarët dhe prokurorët.
Siç shkruan gazeta në fjalë, në vitin 2018 bien në sy dy ndryshime: Njëri është ai se intensiteti i rasteve konkrete ka arritur përmasa të pazakonshme për rrethanat zvicerane. Ndërsa ndryshimi tjetër qëndron në faktin se nga kërcënimet janë prekur edhe persona të tjerë të eksponuar publikisht.
Sipas informacioneve të mëhershme nga burimet federale, deri tash njoftimet për kërcënime më së shpeshti kanë të bëjnë me tema për refugjatët ose për politikën evropiane të Zvicrës, përcjell albinfo.ch. Rastet janë shtuar secilën herë gjatë mbajtjes së votimeve dhe zgjedhjeve.
Të ngjashme
Të tjera nga Shkurt.ch
E-Diaspora
-
Lea Ypi, “Një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër