Kosova

Bill Clinton sot viziton Kosovën

Ish-presidenti i Shteteve të Bashkuara të Amerikës, Bill Clinton, sot vjen për vizitë në Kosovë, për nder të 20 vjetorit të çlirimit të Kosovës.

Siç shkruan KosovaPress, presidenti Clinton do të pritet nga Presidenti Hashim Thaçi dhe kryeministri Ramush Haradinaj. Gjatë pritjes nga presidenti Thaçi, Clinton edhe do të dekorohet.

Kjo është vizita e dytë e ish-presidentit Bill Clinton në Kosovë.

Clinton urdhëroi forcat e NATO-s që të ndërhyjnë ndaj caqeve ushtarake dhe policore serbe gjatë vitit 1999, për të parandaluar gjenocidin e më tejmë ndaj shqiptarëve.

Vite më parë, Clinton-it i është ngritur edhe një shtatore në Prishtinë.

.