Lajme
“Böögg” parashikon një verë me më pak diell
37 minuta e 59 sekonda më vonë koka e tij shpërtheu, duke nënkuptuar një verë me pak diell - sa më shpejt t'i shkojë koka "dordolecit", aq më e mirë është vera
“Böögg”, kështu quhet “dordoleci” tradicional, ndezja e të cilit, sipas bestytnive “parashikon” motin që do të mbretërojë gjatë verës është kthyer, pas dy vitesh mungese, në sheshin Sechseläutenplatz në qendër të Cyrihut.
Në orën 18:00 të së hënës, i është vënë zjarri platformës mbi të cilën është vendosur Böögg. Pikërisht 37 minuta e 59 sekonda më vonë koka e tij shpërtheu, duke nënkuptuar një verë me pak diell – sa më shpejt t’i shkojë koka “dordolecit”, aq më e mirë është vera.
Në vitin 2020 e gjithë ceremonia, e cila i ka rrënjët në vitin 1890, u anulua dhe vitin e kaluar u mbajt pa audiencë, në kantonin Uri.
Ngjarja u transmetua drejtpërdrejt në televizion. Ashtu si në kohët para Covid-it, një paradë nëpër qendrën e qytetit është mbajtur të hënën me rreth 130 të ftuar nderi, duke përfshirë ministrin e Jashtëm, Ignazio Cassis, i cili mban Presidencën zvicerane të radhës këtë vit, dhe kryebashkiaken e Cyrihut, Corine Mauch./Albinfo.ch
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit