Ceremonia për pritjen e kryeministrit kroat në Kosovë

Ka nisur ceremonia për pritjen e kryeministrit kroat, Andrej Plenkoviq, në Kosovë.

Mësohet se Plenkoviq dhe Kurti do të kenë një takim sy më sy dhe më pas do të dalin në një konferencë për media në oborrin e Qeverisë, për shkak të interesimit të madh të mediave.

Kryeministri kroat më pas do të takohet me presidenten Vjosa Osmani, e cila do ta nderojë atë me medaljen presidenciale “Shën Tereza”.

Ndërkohë, thuhet se temat kyçe të bisedimeve të Plenkoviq gjatë qëndrimit në Kosovë do të jenë çështjet e sigurisë, zhvillimet rajonale dhe ato të integrimeve evropiane.

 

 

---