Koronavirusi: çast pas çasti
Çfarë thotë raporti i OBSH-së për përhapjen e virusit në Wuhan
Ky zbulim është shtesa e fundit në rritje e provave që sugjerojnë se COVID-19 mund të jetë përhapur globalisht para dhjetorit
Hetuesit nga Organizata Botërore e Shëndetësisë (OBSH) kanë gjetur shenja që shpërthimi i koronavirusit në Wuhan në dhjetor 2019 mund të ketë qenë më i përhapur sesa mendohej fillimisht, sipas CNN.
“Virusi po qarkullonte gjerësisht në Wuhan në Dhjetor, i cili është një zbulim i ri,” i tha medias hetuesi kryesor Peter Ben Embarek.
Shkencëtarët kinezë i thanë ekipit të OBSH-së se rreth 174 raste të COVID-19 kishte në Wuhan në dhjetor, njoftoi Nick Paton Walsh i CNN. Hetimi i OBSH ama sugjeron që në të vërtetë mund të ketë pasur mbi 1.000 infeksione gjatë atij muaji.
Ekipi i OBSH gjithashtu zbuloi se kishte variante të shumta të COVID-19 që tashmë ishin përhapur në të gjithë qytetin në dhjetor, sipas CNN.
Shkencëtarët e OBSH-së identifikuan 13 sekuenca të ndryshme gjenetike të virusit nga ai muaj gjatë hetimit të tyre, transmeton Scan, përcjell albinfo.ch.
Ndryshimet në renditjen gjenetike janë të zakonshme dhe ndodhin me kalimin e kohës kur viruset përhapen dhe riprodhohen.
Zbulimi i mbi një duzine sekuencash gjenetike të virusit SARS-COV-2 nga dhjetori, megjithatë, mund të sugjerojë që virusi mund të ketë qenë duke qarkulluar më herët sesa mendohej fillimisht.
Ky zbulim është shtesa e fundit në rritje e provave që sugjerojnë se COVID-19 mund të jetë përhapur globalisht para dhjetorit.
Një analizë nga Universiteti i Harvardit, bazuar në imazhet satelitore të spitaleve dhe trafikun e motorëve të kërkimit për simptomat e koronavirusit, sugjeron që virusi mund të ketë filluar të qarkullojë atje që në fund të verës.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë