Koronavirusi: çast pas çasti
Cilat shtete kanë blerë më shumë vaksinën ndaj virusit
Oxfam vuri në dukje se AstraZeneca ka premtuar dy të tretat e dozave që do prodhojë për vendet në zhvillim
Shtetet e pasura, përfshirë Shtetet e Bashkuara, Britaninë e Madhe dhe Japoninë kanë blerë tashmë më shumë se gjysmën e furnizimit të pritur të vaksinës së koronavirusit, tha organizata ndërkombëtare jofitimprurëse kundër varfërisë Oxfam.
Këto vende përfaqësojnë 13% të popullsisë së botës, por kanë blerë 51% të furnizimit të ardhshëm të vaksinës, tha Oxfam.
Organizata përdori të dhëna të mbledhura nga kompania analitike Airfinity për të analizuar marrëveshjet e botuara midis qeverive dhe prodhuesve të vaksinave, transmeton Monitor.
Oxfam llogariti pesë kompani: AstraZeneca, Gamaleya e Rusisë, Moderna, Pfizer dhe Sinovac e Kinës, të cilat në total kanë kapacitet prodhimi 5.9 miliardë doza. Kjo është e mjaftueshme për të mbuluar gati 3 miliardë njerëz, më pak se gjysma e popullsisë së botës, nëse të gjithëve u duhen dy doza, përcjell albinfo.ch.
Oxfam tha në një deklaratë se marrëveshjet e furnizimit tashmë janë rënë dakord për 5.3 miliardë doza, nga të cilat 2.7 miliardë (51%) janë blerë nga vendet e rajonet e zhvilluara duke përfshirë Mbretërinë e Bashkuar, Shtetet e Bashkuara, Australinë, Hong-Kongun, Makaun, Japoninë, Zvicrën, Izraelin, si dhe Bashkimin Europian.
2.6 miliardë dozat e mbetura janë blerë ose premtuar për vendet në zhvillim, duke përfshirë Indinë, Bangladeshin, Kinën, Brazilin, Indonezinë dhe Meksikën.
Oxfam vuri në dukje se AstraZeneca ka premtuar dy të tretat e dozave që do prodhojë për vendet në zhvillim.
Kur do të marrim vaksina të mjaftueshme? Të hënën, Adar Poonawalla, shefi ekzekutiv i Institutit Serum të Indisë (SII), parashikoi se mund të mos ketë vaksina të mjaftueshme të Covid-19 deri në vitin 2024.
“Do të duhen katër deri në pesë vjet derisa të gjithë të marrin vaksinën në këtë planet”, tha Poonawalla.
Ai vlerësoi se nëse goditja e Covid-19 është një vaksinë me dy doza, botës do t’i duheshin rreth 15 miliardë doza.
Të ngjashme
Të tjera nga Koronavirusi: çast pas çasti
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?