Lajme
COVID-19 e ka tkurrur ekonominë botërore
Pandemia ka ndikur globalisht në ngadalësimin e rritjes ekonomike, më së lehti ka shpëtuar Koreja e Jugut.
Përderisa Shtetet e Bashkuara po luftojnë me pandemi dhe një ritëm të ngadaltë në rritjen ekonomike, Koreja e Jugut duket se ka gjetur recetën për të pasur sukses – nëse mund t’i mbijetojë rritjes me rastet e reja të koronavirusit.
Në parashikimet e fundit ekonomike nga OECD, Koreja e Jugut po shikon një tkurrje të PBB-së prej vetëm 1 për qind për vitin 2020, performuesi i dytë më i mirë midis ekonomive kryesore pas Kinës. Në të kundërtën, zona e euros pritet të tkurret me rreth 8 për qind dhe Shtetet e Bashkuara mund të shohin tkurrje të tërë vitit në rendin e gati 4 për qind të PBB-së.
“Bota po përballet me ngadalësimin më dramatik ekonomik që nga Lufta e Dytë Botërore”, tha Laurence Boone, ekonomistja kryesore e OECD-së, duke prezantuar opinionin më të ri.
Prezantimi i OECD-së nënvizoi se suksesi ekonomik shkoi paralelisht me suksesin në shuarjen e pandemisë. Kjo është një pjesë e arsyes që Koreja e Jugut të shpëtojë relativisht e padëmtuar ekonomikisht – duke filluar me menaxhimin e saj shumë efektiv të pandemisë në radhë të parë.
Shtetet e Bashkuara dhe Koreja e Jugut regjistruan rastin e tyre të parë me koronavirus në të njëjtën ditë; që nga ajo kohë, rastet në Korenë e Jugut arritën kulmin në 851 raste ditore në mars, përpara se të rrafshoheshin në shifrat njëshe.
Në Shtetet e Bashkuara, rastet asnjëherë nuk janë ulur deri në mes të korrikut, ku kulmi ishte në 74,818 konfirmuar infeksione në një ditë të vetme. Koreja e Jugut ka regjistruar shtatë vdekje për milion njerëz; Shtetet e Bashkuara kanë parë gati 600 vdekje për milion, sipas Qendrave Amerikane për Kontrollin dhe Parandalimin e Sëmundjeve dhe Universitetit Johns Hopkins, shkruan foreignpolicy, përcjell albinfo.ch.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?