Tematike
Deklaratë e përbashkët e myslimanëve dhe hebrenjve në Zvicër
Në një deklaratë të përbashkët, myslimanët dhe hebrenjtë në Zvicër, denoncojnë antisemitizmin, islamofobinë dhe racizmin. Në mesazhin e tyre, ata theksojnë se një klimë e respektit të ndërsjellë dhe nderim reciprok, lejon dialogun dhe siguron paqe ndërmjet grupeve të ndryshme fetare.
Katër vite më parë, hebrenjtë dhe myslimanët botuan deklaratën e tyre të parë të përbashkët kundër dhunës dhe paqes. Që atëherë, pas nisjes së një dialogu, ata kanë kërkuar ta forcojnë atë në nivele të ndryshme. Në majin e fundit, “Çmimi i dialogut të hebrenjve i Zvicrës” e ka dëshmuar këtë dëshirë dhe është shpërblyer, ndër të tjera, edhe për bashkëpunimin shembullor të një rabini dhe një imami. Ky angazhim ndaj dialogut konstruktiv është i një rëndësie të jashtëzakonshme në një kohë kur marrëdhëniet mes hebrenjve dhe myslimanëve janë ndërprerë rëndë. Të dy komunitetet fetare mendojnë se diskriminimi, ksenofobia dhe ekstremizmi në Europë, por edhe në Zvicër, po intensifikohen sërish, informon Albinfo.ch. Prandaj, ky moment është zgjedhur mirë për të kundërshtuar këtë evolucion dhe për të predikuar dialogun, respektin dhe nderimin.
Shoqatat dëshirojnë të ndërhyjnë kudo, aty ku keqkuptimet, injoranca dhe refuzimi çojnë në intolerancë dhe racizëm – jo vetëm në lidhje me shumicën e shoqërisë, por edhe sa i përket anëtarëve të tyre.
FSCI, Platforma e hebrenjve liberale në Zvicër PJLS dhe Federata e Organizatave Islame në Zvicër FOIS bëjnë thirrje për myslimanët, hebrenjtë dhe të gjithë popullatës së Zvicrës:
Ne duam të luftojmë me vendosmëri kundër antisemitizmit dhe islamofobisë dhe gjithashtu kundër racizmit!
Ne duam të pranojmë dhe respektojmë të Tjerët dhe mendimet e tyre, edhe nëse nuk jemi gjithmonë dakord me ta!
Ne duam të intensifikojmë përpjekjet tona për të forcuar bashkëpunimin tonë dhe për të thelluar njohuritë që kemi për njëri-tjetrin!
Ne duam të krijojmë një dialog autentik dhe një klimë të respektit dhe kujdesit të ndërsjellë!
Të ngjashme
Të tjera nga Tematike
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Rritet vjedhja e biçikletave elektrike në Zvicër Në vitin 2023, kantoni i Basel-Stadt kishte incidencën më të lartë të biçikletave të vjedhura, me...
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’