Kosova
Deputetët zviceranë i kërkojnë presidentit të mbështesë pranimin e Kosovës në Këshillin e Evropës
"Si anëtarë të Grupit Parlamentar Zvicër-Kosovë, ju kërkojmë zotëri President Federal të përmbushni këtë kërkesë dhe në kuadër të Këshillit të Ministrave, të mbështesni këtë aderim"
Një numër deputetësh të Parlamentit të Zvicrës, të prirë nga bashkëkryetarët e Grupit Parlamentar të Miqësisë Zvicër – Kosovë, i kanë drejtuar presidentit federal, Ignazio Cassis, një letër përmes të cilës i kërkojnë mbështetjen për pranimin e Kosovës në Këshillin e Evropës, shkruan albinfo.ch.
Në vazhdim, letra e plotë: “Më 3 mars 2022, Kuvendi i Republikës së Kosovës ka miratuar një rezolutë, në të cilën i ka bërë thirrje qeverisë që ta përfshijë Kosovën në organizata të ndryshme ndërkombëtare duke përfshirë Këshillin e Evropës.
Zvicra ishte ndër vendet e para që ka njohur pavarësinë e Kosovës. Dhe, Zvicra ka qenë gjithashtu një anëtare e çmuar, që nga anëtarësimi i saj, në vitin 1963 në organet e Këshillit të Evropës. Grupi Parlamentar i Miqësisë Zvicër-Kosovë kishte më 29 mars të këtij viti mundësinë të takohej me grupin e tij simotër nga Kosova për të biseduar rreth kësaj çështjeje. Nga të gjitha partitë kosovare, në qeveri dhe opozitë, është shprehur me këtë rast një dëshirë e qartë që Zvicra të mbështesë Kosovën në përpjekjet e saj për anëtarësim.
Si anëtarë të Grupit Parlamentar Zvicër-Kosovë, ju kërkojmë, zotëri President Federal, të përmbushni këtë kërkesë dhe në kuadër të Këshillit të Ministrave të mbështesni këtë aderim. Jemi të bindur se është koha e duhur që Republika e Kosovës t’u bashkohet organeve të Këshillit të Evropës”, thuhet në përmbyllje të letrës.
Në këtë letër kërkesë janë nënshkruar deputetët e të dy dhomave të Parlamentit të Zvicrës: Doris Fiala, Bashkë-Presidente, Stefanie Heimgartner, Bashkë-President Cédric Wermuth, Bashkë-President, të Grupit Parlamentar të Miqësisë Zvicër-Kosovë.
Bashkënënshkruesit e Grupit Parlamentar (sipas alfabetit): Matthias Aebischer, Laurence Fehlmann-Rielle, Roland Fischer, Claudia Friedl, Ida Glanzmann-Hunkeler, Maya Graf, Fabian Molina, Eric Nussbaumer, Priska Seiler-Graf, Carlo Sommaruga, Laurent Wehrli.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Veçanërisht të moshuarit kanë votuar për pensionin e 13-të Po ashtu kishte një Po të qartë mes njerëzve pa një preferencë të qartë partiake dhe...
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat