Shqipëria
Deputeti gjuan Ramën me bojë
Garda e Republikës dhe Policia e Shtetit reaguan pasi Edi Paloka i hodhi bojë në fytyrë kryeministrit Edi Rama
Deputeti i Shqipërisë, Edi Paloka qëlloi me bojë në fytyrë kryeministrin shqiptar Edi Rama gjatë seancës së sotme parlamentare.
Kryetari i Kuvendit, Gramoz Ruçi ka përjashtuar nga seanca e sotme deputetin demokrat pas këtij veprimi.
Kur Paloka nuk pranoi të largohet nga salla, Ruçi vendosi që të ndërpresë seancën, përcjell albinfo.ch.
Garda e Republikës dhe Policia e Shtetit reaguan pasi Edi Paloka i hodhi bojë në fytyrë kryeministrit Edi Rama.
“Sot, në sallën e seancave të Kuvendit të Shqipërisë, deputeti Edi Paloka ka sulmuar me një solucion kimik të parapërgatitur Kryeministrin e Shqipërisë, z. Edi Rama. Garda e Republikës me mbështetjen e strukturave të specializuara të Policisë së Shtetit ka nisur hetimet e menjëhershme për agresionin e kryer në sytë e të gjithëve dhe gjithashtu procedimin penal kundër shtetasit Edi Paloka”, lexohet në njoftimin e Gardës së Republikës.
Partia Demokratike ka sqaruar arsyet pse Edi Paloka gjuajti me bojë kryeministrin Edi Rama. Sipas PD-së, qëndrimi i deputetit demokrat erdhi për shkak të talljes së vazhdueshme që Rama i bëri në seancat e kaluara.
“Edi Paloka e gjuajti me bojë Edi Ramën, pasi ky e talli në mënyrë të përsëritur për shkak të mënyrës së të folurit. Gjuajtja me bojë është mospranim i bullizmit të ushtruar nga kryeministri për të cilin është dëshmitar i gjithë opinion publik”, thuhet në reagimin e PD-së.
Të ngjashme
Të tjera nga Shqipëria
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
FMN: Zvicra duhet të forcojë kontrollin e sektorit të saj financiar Zvicrës i duhen “reforma të forta të sektorit financiar” pas shpëtimit të Credit Suisse nga UBS...
-
Numri i zviceranëve në mbarë botën u rrit me 1.7% në vitin 2023
-
Shtohet edhe një milioner në Zvicër: Fiton Jackpot-in 2.6 milionë franga
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve