Shqipëria
Dhjetëfishohen tarifat e aplikimit për marrjen e shtetësisë shqiptare
Personat që do të aplikojnë për shtetësi shqiptare në përfaqësitë diplomatike të Shqipërisë, nga 30 euro që paguanin më parë, në vijim do të paguajnë 300 euro
Tarifat e aplikimit për marrjen e shtetësisë shqiptare do të dhjetëfishohen.
Personat që do të aplikojnë për shtetësi shqiptare në përfaqësitë diplomatike të Shqipërisë, nga 30 euro që paguanin më parë, në vijim do të paguajnë 300 euro. Kjo do të ndodhë pas miratimit të Ligjit për Shtetësinë në Republikën e Shqipërisë, shkruan Koha Ditore.
Projektligji për Shtetësinë është depozituar në Kuvend nga ana e Qeverisë më 2 korrik të këtij viti. Ky projektligj ndodhet në procedurë në pritje të miratimit në seancë plenare, pas kalimit në komisione shkruan Kohanet, percjell Albinfo.ch.
“Aktualisht mbështetur në Udhëzimin e Përbashkët të Ministrisë së Punëve të Jashtme dhe të Ministrisë së Rendit Publik për procedurat dhe dokumentacionin për fitimin, rifitimin dhe heqjen dorë nga shtetësia shqiptare, tarifa e shërbimit (aplikimi për shtetësi) është në masën 5.000 lekë për personat që aplikojnë brenda vendit, dhe 30 euro për personat që aplikojnë pranë përfaqësive diplomatike. Parashikohet që numri i aplikantëve sipas këtij projektligji të jetë rreth 1.500 persona. Tarifa për aplikim propozohet të jetë në vlerën 300 euro, referuar edhe tarifave që zbatohen në nivel rajonal, si dhe do të miratohet me udhëzim të përbashkët të Ministrit të Brendshëm, Ministrit të Financave dhe Ekonomisë dhe Ministrit për Evropën dhe Punët e Jashtme”, thuhet në raportin e vlerësimit që shoqëron Projektligjin për Shtetësinë në Republikën e Shqipërisë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën