Integrimi
“DiasporaFlet” sonte në Vjenë
Në këtë takim do të prezantohet projektligji për Diasporën nga ana e përfaqësuesve të Ministrisë së Diasporës, si dhe me një fjalë rasti do të paraqitet edhe Ambasadori i Shqipërisë në Austri, z.Bimo
Në kuadër të takimeve me bashkatdhetarët tanë nëpër shtete të ndryshme të Evropës, “DiasporaFlet” sot do të mbajë takim në Vjenë.
Në këtë ngjarje, përfaqësuesit e Germin-it do të shpalosin programin Dialogu i Strukturuar për të Drejtat e Diasporës, si dhe do të prezantohet misioni dhe puna e disa individëve/organizatave dhe bizneseve shqiptare në Austri, thuhet në njoftimin e Germin-it, përcjell “albinfo.ch”.
Mësohet se në këtë takim do të prezantohet projektligji për Diasporën nga ana e përfaqësuesve të Ministrisë së Diasporës, si dhe me një fjalë rasti do të paraqitet edhe Ambasadori i Shqipërisë në Austri, z.Bimo.
Të kontaktuar nga albinfo.ch, përfaqësuesit e Germin-it theksuan se formati i takimeve “DiasporaFlet” është i ndarë në dy pjesë:
“Pjesa e parë është e mbyllur ku fokusi i temave është për të diskutuar rreth të drejtave politike dhe sociale të diasporës, ndërsa pjesa e dytë është format i hapur ku do të jetë në dispozicion një mikrofon i hapur për të gjithë të pranishmit të cilët mund të ngrinin zërin për tema të ndryshme”.
Sipas tyre, në këtë takim do të janë të ftuar 2-3 persona të komunitetit tonë për të kaluar pastaj në tema që lidhen direkt me komunitetin shqiptarë në Austri.
Takimi “DiasporaFlet në Vjenë” do të filloj nga ora 19:00, në Universitetin Ekonomik të Vjenës.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën