Futboll

Dita e Zvicrës: Xhaka, gati për histori

Sot Zvicra do ta ketë ndeshjen e parë në Kampionatin Botëror

Zvicra sot zhvillon ndeshjen e parë në grupet e Kampionatit Botëror në Katar. Helvetikët nga ora 11:00 përballen me Kamerunin, shkruan albinfo.ch.

Kapiteni Granit Xhaka ka thënë se janë të gatshëm për Botëror. “Jemi gati ta shkruajmë historinë. Jemi të përgatitur dhe besoj se kemi pasur kohë të mjaftueshme, por është më e lehtë të flasim sesa të bëjmë”, deklaroi Xhaka, duke shtuar: Jemi të qetë, duam të fillojmë mirë dhe shpresojmë në tri pikë”, shtoi kapiteni zviceran.

“Nuk do të thosha se ky është ekipi më i mirë i të gjitha kohëve. Nuk dua t’u mohoj asgjë paraardhësve tanë. Është pa dyshim një ekip më i ri. Ne jemi gati të bëjmë histori. Jemi të qetë, duam të fillojmë mirë dhe shpresojmë me tri pikë”, shtoi 30-vjeçari, i cili është kapiten te “Helvetikët”.

“Kam pasur më shumë presion në jetën time. Dua ta shijoj turneun si kapiten i Zvicrës. Po mundohem ta ndihmoj ekipin”, përfundoi mesfushori i Arsenalit.


LAJME INTERESANTE NGA INTERNETI