Shqipëria

Ditmir Bushati, kandidat i pranueshëm për qeverinë transitore

E premte, 5 Prill 2019 - 23:40 albinfo.ch

Ish-deputetja e Lëvizjes Socialiste për Integrim, Nora Malaj, deklaroi se ish-ministri i Punëve të Jashtme, Ditmir Bushati, mund të jetë një kandidaturë shumë e mirë për qeverinë transitore, të cilën do ta pranonte edhe opozita.

“Nëse do të bëhet një vendimmarrje për të çuar në Qeveri transitore, do të bëhet te Partia Socialiste. Ne jemi të majtë në ideologji, por në kauzën e madhe që po ndodh sot në këtë komb, duhet të bëjmë zgjidhjen e problemit. Bushati mund të jetë një kandidaturë shumë interesante për qeverinë transitore”, ka shtuar ajo.