Djali i myftiut kosovar, bën jetë luksoze

Haris Terrnava, djali i myftiut të Kosovës, Naim Tërrnava shihet me vetura të shtrenjta dhe duke shëtitur nëpër Evropë

Derisa shumë të rinj kosovarë janë zhgënjyer me realitetin dhe po synojnë integrimin ne Evropë për një jetë më të mirë, është një kosovar që po jeton si “sheik”, me vetura luksoze e madje po shëtitet gjithandej rruzullit. Është djali i myftiut të Kosovës, Naim Tërnava, Harisi që ka postuar në facebook jetën e tij luksoze.

Harisi shëtit Evropën dhe shihet gjithmonë me vetura të shtrenjta. Ndërkaq kohë më parë ai nëpërmjet Facebook kishte bërë thirrje për shkuarje në Siri për të luftuar, raporton express.

Këto fotografi i kanë bërë përshtypje portaleve kosovare, që i kanë plasuar duke treguar jetën luksoze e madje edhe të shfrenuar të tij.

Ndryshe, sipas një sondazhi që është bërë me herët me rininë kosovare, ka dalë se më shumë se gjysma e të anketuarve kanë synim të ikin në shtetet e Bashkimit Evropian. Sipas tyre, papunësia dhe mungesa e perspektivës i shtynë ata që të mendojnë të largohet nga Kosova.