E-Diaspora
Donte të hynte në Gjermani me pasaportën e vëllait: Arrestohet shqiptari
Policia Federale e Gjermanisë ka arrestuar të enjten një shtetas të Shqipërisë dhe e ka kthyer mbrapsht në Austri, prej nga vinte. Ai ishte përpjekur të hynte në Gjermani me identitet të rrejshëm
Policët federalë kanë ndaluar për kontrollim në pikën kufitare Schwarzbach në autostradën A8 një autobus me regjistrim kosovar. Gjatë kontrollimit të udhëtarëve, atyre u ra në sy një shtetas 28 vjeçar i Shqipërisë, i cili u tregoi një pasaportë në gjendje të rregullt, shkruan dpa.de, transmeton albinfo.ch.
Por me rastin e rishikimit të të dhënave në pasaportë, policët panë në kompjuter se për personin me këto të dhëna ishte në fuqi një ndalim hyrjeje në Gjermani. Për këtë arsye ata e kanë marrë të dyshuarin dhe e kanë çuar në Freilassing, për hetime të mëtejme.
Duke e shikuar pasaportën më hollësisht, policët erdhën në konstaimin se ajo nuk i takonte fare personit të kapur. Ai, për udhëtimin e tij në Gjermani, kishte përdorur pasaportën e vëllait, të cilit i ngjante së tepërmi.
Pastaj, përmes shenjave të gishtërinjve, hetuesit kanë arritur ta sqarojnë identitetin e vërtetë të shqiptarit, përcjell albinf.ch. Por edhe në të dhënat e tij origjinale figuronte një ndalesë hyrjeje në Gjermani, e cila i ishte shqiptuar për pesë vite.
Pasi konfiskoi dokumentin e keqpërdorur, policia i bëri kallëzim penal shqiptarit, për përdorim abuzues të dokumentit dhe për përpjekje të hyrjes ilegale në Gjermani. Me këtë rast atij iu ndalua hyrja dhe u la në dorëzim te autoritetet austriake.
(Foto: Ilustrim)
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane