Lajme
Doza përforcuese e Pfizer, 95.6% efektive kundër simptomave të COVID-19
Një studim i kryer nga dy laboratorë zbuloi se një dozë përforcuese e vaksinës COVID-19 të Pfizer ishte 95.6% efektive kundër simptomave të sëmundjes.
Sipas mediave të huaja, përcjell Telegrafi, studimi, i kryer mbi 10.000 njerëz mbi moshën 16 vjeç, tregon “një efikasitet relativ prej 95.6%” dhe një “profil të favorshëm sigurie”, sipas një deklarate.
Vaksina, e zhvilluar nga Pfizer dhe BioNTech, u administrua si një dozë e tretë për njerëzit që kishin pasur më parë dy doza.
Sipas kompanive, doza përforcuese “rivendosi mbrojtjen e vaksinës kundër COVID-19 në nivelet e larta të arritura pas dozës së dytë, duke treguar një efikasitet relativ të vaksinës prej 95.6% në krahasim me ata që nuk morën një dozë përforcuese”.
Kështu, kompanitë thanë se planifikojnë t’i paraqesin informacionet FDA -së amerikane, Agjencisë Evropiane të Barnave (EMA) dhe agjencive të tjera.
“Këto rezultate demonstrojnë edhe një herë dobinë e dozave përforcuese në përpjekjet tona për të mbrojtur popullatën kundër kësaj sëmundjeje”, ka thënë Albert Bourla, shefi ekzekutiv i Pfizer, i cituar në deklaratë.
Mosha mesatare e pjesëmarrësve ishte rreth 53 vjet.
Ndryshe, disa vende tashmë kanë lejuar një dozë përforcuese për të rritur imunitetin tek njerëzit e vaksinuar, e cila duket të bjerë pas disa muajsh, sipas disa studimeve.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor