Lajme
I zgjatet paraburgimi shqiptarit nga Zvicra, të dyshuar rreth sulmit në Vjenë
Ai konsiderohet se i përket grupit të të rinjve që kishin frekuentuar xhaminë famëkeqe "An Nour" në Winterthur, para se ajo të mbyllej.
18-vjeçari nga Winterthuri, i arrestuar para një jave në lidhje me sulmin terrorist në Vjenë, mbetet në paraburgim. Prokuroria për të rinjtë ka vendosur masën e ndalimit të tij për një muaj, shkruan watson.ch.
Gjykata e masave të detyrueshme e ka miratuar këtë vendim, ka deklaruar për portalin, një zëdhënëse e Prokurorisë së lartë për të rinj, e Kantonit të Cyrihut .
18 vjeçari, i cili sipas mediave zvicerane (Nzz am Sonntag) është me prejardhje shqiptare, është arrestuar të martën, më 3 nëntor dhe është mbajtur deri më sot në paraburgim, transmeton albinfo.ch. Ai dyshohet se ka pasur kontakte me vrasësin nga Vjena së bashku me një person tjetër nga Winterthuri.
Prokuroria për të Rinj mund të urdhërojë vetë deri në shtatë ditë paraburgim. Për zgjatje të paraburgimit nevojitet miratimi nga gjykata e masave të detyrueshme, gjë që në lidhje me këtë rast është bërë të enjten (sot).
Këto janë arsyet e zgjatjes, sipas zëdhënëses:
“Qëllimi është të zbulojmë se në çfarë mase 18-vjeçari ishte në kontakt me sulmuesin në Vjenë. Deri atëherë, vlen prezumimi i pafajësisë ”.
I riu nga Winterthuri ishte tashmë i njohur për autoritetet e zbatimit të ligjit, përcjell albinfo.ch. Ndaj tij është duke rrjedhur hetimi penal për shkelje të ligjit për ndalim të IS dhe për prezantime të pamjeve të dhunës.
Ai konsiderohet se i përket grupit të të rinjve që kishin frekuentuar xhaminë famëkeqe “An Nour” në Winterthur, para se ajo të mbyllej.
E-Diaspora
-
Gjykimi i shqiptarit për vrasjen e dyfishtë në Bazel, nën masa të forta sigurie Ai është dërguar në Gjykatën Penale mëngjesin e së hënës me një automjet të blinduar të...
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
-
Artistet kosovare, Agona Shporta e Tringa Sadiku, më 2 maj, me koncert në Cyrih
-
Taravari: Asnjë proces i rëndësishëm për vendin nuk është bërë pa diasporën
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt i Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët