Muzikë

Edhe një reper shqiptar, drejt majave të muzikës

Reperi shqiptar me famë botërore, Gashi, ditë më parë ka publikuar këngën e re në bashkëpunim me një tjetër këngëtar shqiptar, Ledri Vulën.

Emri i tij i vërtetë është Labinot Gashi, në Amerikë njihet si Larry, kurse emri i tij artistik është G4shi.

Ai ka lindur në Libi, por me origjinë është shqiptar nga Kosova.

Gashi është shndërruar në një prej reperëve më të njohur fillimisht në Amerikë, e më pas publikoi disa këngë të cilat u pëlqyen edhe nga publiku kudo në botë.

Kënga e fundit e Gashit në bashkëpunim me Ledri Vulën ka arritur thuajse një milion klikime për vetëm katër ditë.

G4shi ka realizuar duete me emra të njohur si French Montana dhe Nipsey Hussle. Ajo që duhet të na bëjë krenarë me të është fakti që nëpër këngët e tij nuk harron ta përmendë faktin se është shqiptar dhe se vjen nga Kosova, gjë të cilën edhe e bën në rrjetet sociale Twitter.