Shkurt.ch
Eksportet zvicerane të orëve parashikohen të bien me 25% në këtë vit
Mbyllja e dyqaneve për shkak të përhapjes së koronavirusit në të gjithë botën do t'i kushtojë shumë firmave zvicerane.
“Industria zvicerane e orëve do të pësojë rënien më të madhe në 50 vitet e fundit,” thotë një studim i botuar sot nga banka private Vontobel. Parashikimet bazohen në supozimin se dyqanet do të hapen përsëri në maj ose qershor, përcjell albinfo.ch
Rënia e parashikuar prej 25% e eksporteve në vitin 2020 është edhe “pak më e madhe se ajo e regjistruar në vitin 2009 (-22%) gjatë krizës financiare”, tha analisti René Weber.
Eksportet e orëve pritet të bien me më shumë se 30% në mars, pas një rënie prej 9.2% në shkurt gjatë së cilës Kina, origjina e pandemisë, panë një rënie prej 50% në krahasim me një vit më parë. Për tremujorin e dytë të vitit 2020, pritet një rënie prej 40% e eksporteve të sektorit.
Prodhimi është gjithashtu një problem. Prodhuesit e njohur si Rolex, Audemars Piguet, Patek Philippe, Hublot dhe Tag Heuer kanë mbyllur përkohësisht vendet e tyre të prodhimit. Të tjerë si Swatch janë drejtuar në orarin e zvogëluar të punës.
Me një rifillim të mundshëm të aktiviteteve në maj ose qershor, gjysma e dytë e vitit duhet të tregojë një përmirësim, sipas raportit.
Aktualisht, dyqanet kanë filluar të rihapen në Kinë edhe pse numri i klientëve mbetet modest. Bizneset filluan mbylljen në fund të janarit, ndërsa në Evropë dhe SH.B.A. në mesin e marsit.
Sipas raportit, industria e orave duhet të kërcejë përsëri për të shënuar një rritje prej rreth 15% në 2021, si në vitin 2010 (+ 22%).
Industria po shijonte biznes të mirë derisa kufizimet e koronavirusit e goditën atë. Në vitin 2019, industria zvicerane e orave regjistroi një rritje prej 2.4% ose 21.7 miliardë CHF (22.5 miliardë dollarë) në eksportet e saj, përcjell tutje albinfo.ch
Të ngjashme
Të tjera nga Shkurt.ch
E-Diaspora
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern Pas pushimit të pranverës, Shkolla Shqipe Ostermundigen Bern ka rinisur mësimin plotësues të gjuhës shqipe, transmeton...
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën