Lajme

Ëmbëlsira falas në Bernë për t`i motivuar njerëzit të vaksinohen

Po aty mund të bëhet edhe vaksinimi në mënyrë spontane në një kamion vaksinimi, njofton BAG

Për ta bërë më të popullarizuar fushatën e vaksinimit, Zyra Federale e Shëndetit Publik (BAG) do të shërbejë tortë të hënën në Bundesplatz të Bernës. Po aty mund të bëhet edhe vaksinimi në mënyrë spontane në një kamion vaksinimi, raporton sda.

Me këtë ofertë, BAG synon të rrisë gatishmërinë e vaksinimit

Fushata e vaksinimit po bën përparim të mirë, ka shkruar BAG të dielën në Twitter, transmeton albinfo.ch. Dy në tre të rritur të moshës mbi 16 vjeçare kanë marrë të paktën një vaksinë: “Ne do ta festojmë këtë dhe do të shërbejmë tortë në Bundesplatz nesër (e hënë) në orën 13.30 pasdite” thuhet në njoftim.

BAG, lidhur me sasinë e ëmbëlsirave që ofrohen, shkruan: “do të ofrohet aq sa do të ketë”.

Ata që duan të vaksinohen për herë të parë, mund ta bëjnë këtë spontanisht në kamionin e vaksinimit.

Infeksionet nga Corona po rriten përsëri, por “vaksinat tona mbrojnë mirë”, ka shkruar Ministri i Shëndetësisë Alain Berset, transmeton albinfo.ch. Vaksinimet po sigurojnë gjithashtu mbrojtje të mirë edhe  kundër variantit Delta i cili përhapet më shpejtë.

 


LAJME INTERESANTE NGA INTERNETI