Lajme
Erdogan shkarkoi shefin e Agjencisë së Statistikave në Turqi
Presidenti turk, Recep Tayyip Erdogan, ka zëvendësuar kreun e Agjencisë kombëtare të Statistikave pas shpalljes së të dhënave vjetore të inflacionit.
Kreu i Byrosë Kombëtare të Statistikave, Sait Erdal Dincer, është vënë në shënjestër të kritikave që kur publikoi të dhënat në fillim të janarit, sipas të cilave norma vjetore e inflacionit ishte 36.1 për qind, që është niveli më i lartë në 19 vjetët e fundit.
Opozita tha se kjo shifër ishte e nënvlerësuar, duke deklaruar se rritja reale e kostos së jetesës ishte të paktën dy herë më e lartë, raporton FT, përcjell Albinfo.ch.
Në një dekret të lëshuar, Erdogan nuk shpjegoi vendimin për të emëruar Erhan Cetinkayan, ish-zëvendëspresidentin e rregullatorit bankar turk, si kreun e ri të statistikave të shtetit, në vend të Dinger.
Inflacioni në Turqi u rrit në më shumë se 36 për qind për shkak të rënies së vlerës së lirës, që është një rekord që nga shtatori i vitit 2002.
Erdogan, megjithëse gjendet në një situatë të vështirë 18 muaj para zgjedhjeve presidenciale, vazhdon të mbrojë pikëpamjet e tij.
Rritja e çmimeve të konsumit, më shumë se shtatë herë nga objektivi fillestar i qeverisë, shpjegohet me rënien e lirës turke ndaj dollarit me pothuajse 45 për qind në vit.
I vetëdijshëm për dëmin e shkaktuar jo vetëm për ekonominë, por edhe për vlerësimin e besimit, Erdogan premtoi në fillim të janarit se do “ta kthente inflacionin në njëshifror sa më shpejt të jetë e mundur”.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Linja ajrore SWISS rifillon fluturimet e saj drejt Iranit Pas pezullimit të operacioneve të saj në Bejrut dhe anashkalimit të hapësirës ajrore iraniane që nga...
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant