Koronavirusi: çast pas çasti
Evropa fillon të lulëzojë
Shumë vende evropiane tashmë kanë hapur baret, restorantet dhe shkollat
Vendet evropiane po vazhdojnë me lehtësimin e masave të izolimit të cilat janë vendosur për të parandaluar përhapjen e koronavirusit të ri, që e shkakton sëmundjen COVID-19.
Numri i viktimave në Evropë ka rënë ndjeshëm, megjithatë ekzistojnë shqetësimet për një valë të dytë të të infektuarve, pas lehtësimit të masave.
Në të gjithë kontinentin janë rihapur kishat, monumentet historike, restoranet, baret dhe si një numër i madh i hapësirave publike.
Bazilika e Shën Pjetrit në Vatikan u rihap për vizitorët pasi u mbyll më 10 mars.
Vizitorët, janë parë duke respektuar rregullat e distancimit fizik.
Përkundër shqetësimeve për një valë të dytë të mundshme të përhapjes së virusit, kryeministri i Italisë, Giuseppe Conte, u tha italianëve se ata do të duhet të jetojnë me virusin dhe t’i rikthehen jetës normale.
Italia ka regjistruar më shumë se 31 mijë vdekje nga COVID-19, duke u bërë njëri ndër vendet më të goditura në botë nga pandemia, transmeton REL.
Greqia ka rihapur të gjitha vendet arkeologjike pas një mbylljeje dy mujore, përcjell albinfo.ch.
Me vetëm 163 vdekje nga COVID-19, Greqia filloi të lehtësojë masat këtë muaj, pas një bllokimi gjashtë javor.
Belgjika rihapi shkollat, një javë pasi autoritetet kishin lejuar rihapjen e bizneseve.
Në të gjithë botën janë regjistruar më shumë se 315,000 vdekje dhe 4.7 milionë të infektuar me koronavirus, megjithëse besohet se shifrat janë shumë më të larta.
Të ngjashme
Të tjera nga Koronavirusi: çast pas çasti
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?