Kosova
Familjarët e të zhdukurve me forcë kritikojnë institucionet
Në Ditën Ndërkombëtare të Viktimave të Zhdukjeve me Forcë, familjarët e të zhdukurve me forcë kanë bërë homazhe pranë memorialit të Personave të Zhdukur me Forcë gjatë Luftës në Kosovë.
Nazmije Sinan, tash e 24 vjet pret informacione për vendndodhjen e vëllait të saj Elimun, i cili në vitin 1999 u mor me dhunë nga forcat paramilitare serbe.
Ajo për koha.net tha se u dëshpërua pasi e kuptoi se fati i vëllai të saj dhe i mbi 1600 personave të tjerë ende është peng i Serbisë.
“Veç kur na kanë hi dhe e kanë marrë vëllain, kanë hyrë në mal dhe e kanë marrë vëllain, e do fëmijë të tjerë… nëna për vëllain mërzitet gjithë… Ishalla bëjnë se jemi lodh t’u prit”, tha Sinani.
Edhe Tefik Hasani, që kërkon xhaxhain e tij, shpreh zhgënjimin me institucionet. “E kanë marrë në Mitrovicë, ‘lagjja e Boshnjakëve’, i kanë marrë 11 veta, i vetmi ai nuk është gjendur ende, trupat e të tjerëve janë gjetur. Duhet të bëjnë diçka edhe Qeveria edhe pozita dhe opozita duhet të veprojnë më shumë me ndërkombëtarët që ta detyrojnë Serbinë të na kthejnë të dashurit tonë pa marrë parasysh kënd, vëllain, fëmijën, çka do që e ka”, tha Hasani, përcjell albinfo.ch.
Kryetari i shoqatës “Zëri i Prindërve”, Bajram Qerkini, kritikoi komisionin dhe krerët shtetërorë për mungesë veprimesh.
“Pse duhet Vjosa Osmani me më tregu mua politikë se çka folët në Bashkësi Evropiane?! Unë dua konkret të më tregojë çka ajo ka për detyrë me bo për personat e pagjetur. Komisioni qeveritar është formuar për të na ndihmuar për zbardhjen e personave të pagjetur, jo me na mbajt deklarata. Deklaratat e tyre kanë mbetur në letër”, tha Qerkini për koha.net.
Ndërkohë, kryesuesi i Komisionit Qeveritar për Persona të Zhdukur, Andin Hoti, ka akuzuar Serbinë për zvarritje të procesit si dhe BE-në për moskushtëzimin e Beogradit për hapjen e arkivave.
“Asnjë hap deri më sot nuk e ka marrë Serbia, por pse nuk e merr Serbia ne e njohim dhe e dimë që nuk ka qenë ë gatshme me marr hapa. Por ne vazhdojmë të kërkojmë dhe tash po flas si familjar, ne na mbetët hatri pak edhe te faktori ndërkombëtar, sepse ata do të duhej të ishin ata që e kushtëzojnë Serbinë që ajo të përgjigjet për fatin e këtyre personave. Unë si komision me dëshirën më të madhe do të doja t’i ndjekja edhe penalisht kriminel, por nuk është në mandatin tim”, tha Hoti.
Gjatë luftës në Kosovë janë vrarë rreth 13 mijë persona, e janë zhdukur rreth 6 mijë, prej të cilëve rreth 1.600 janë ende të pagjetur, përcjell albinfo.ch.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll