FC Besa e St. Gallenit, ekip me traditë në Zvicrën Lindore

FC Besa e St. Gallenit, përveç se është klubi nga më të vjetrit shqiptar në Zvicër, gjithashtu është shndërruar një nga klubet me më shumë traditë dhe përvojë edhe në futbollin amator në ligat e Zvicrës Lindore.

Sezoni 2018/19 për FC Besën nisi me synime dhe pritje më të mëdha se sa rezultati i arritur, radhitja në vend të pestë, por me pikë të barabarta me vendin e katërt, nga 18-të, njofton albinfo.ch.

Pushimi dimëror do të shfrytëzohet për të përmirësuar pikat e dobëta dhe për arritur më shumë fitore dhe më pak ose aspak humbje, me më shumë realizim dhe sa më pak gola të pranuara.

Gjëja e parë që është ndërmarrë dhe që tanimë dihet është se klubi do të shkojë për fazën përgatitore në Shqipëri, konkretisht në Durrës, për të marrë formën e dëshiruar.

---