FC Eagles Aarau i vazhdon garat për Kupën e Zvicrës, FC Prishtina i përfundon

Dy nga tre ekipet shqiptare të Ligës Ndër-rajonale (Interregional) të Zvicrës, FC Eagles Aarau dhe FC Prishtina e Bernit i kanë zhvilluar ndeshjet e raundit të parë kualifikues për Kupën e Zvicrës, njofton Albinfo.ch.

FC Eaglesi me fitore 2:1 kundër FC Uzwilit, ka siguruar një vend për në raundin e dytë që do të zhvillohet në muajin prill të vitit 2019-të.

Altin Gashi nga penalltia në minutën e 42-të dhe Meriton Bytyqi në atë të 52-ën i shënuan golat për Shqiponjat, ndërsa golin e vetëm për Uzwilin e ka shënuar Kristian Nushi në minutën e 70-të.

Ndërkohë, FC Prishtina me humbje 4:2 si mysafir i Muttenzit i ka përfunduar garat.

Të dielën ndeshjen e parë e zhvillon edhe ekipi i tretë shqiptarë në ligën e 2-të Ndër-rajonale, përballë FC La Sarraz-Eclépens.

---