Kosova
Ulja e TVSH-së në 8%, ndihmesë e madhe për gastronomët e Kosovës
Oda e Hotelerisë dhe Turizmit të Kosovës (OHT) të martën ka mbajtur galambrëmje me anëtarët e saj, ku ka marrë pjesë edhe Fehmi Fetahi, President i Bordit të Rrjetit të Bizneseve të Diasporës Shqiptare në Zvicër
Oda e Hotelerisë dhe Turizmit të Kosovës (OHT) të martën ka mbajtur galambrëmje me anëtarët e saj nga shtatë rajonet e vendit.
Fehmi Fetahi, President i Bordit të Rrjetit të Bizneseve të Diasporës Shqiptare në Zvicër, në një fjalim të mbajtur ka thënë se ulja e TVSh-së në 8% do të ishte ndihmesë e madhe për të gjithë gastronomët e Kosovës, shkruan albinfo.ch.
Ai ka kërkuar nga kryetari i kësaj Ode, Hysen Sogojeva, që të jetë zëri i gastronomëve dhe kërkesat e tyre të realizohen.
Nga ana tjetër, Hysen Sogojeva i falënderoi të pranishmit për kontributin në ekonominë vendëse, duke përmendur vendet e rajonit që kanë përqindje të vogël të TVSh-së. Sogojeva premtoi se do të bëjnë çmos që kjo të ulet në 8 për qind, nga 18 për qind sa është aktualisht.
Madje ai bëri thirrje që të hiqet edhe akciza për derivatet e naftës.
“Ndihem i privilegjuar që jam në mesin tuaj dhe që mbroj interesat e tua, do të bëjmë maksimumin që interesat e tuaja t’i mbrojmë me çdo kusht”.
“Ne do të luftojmë së bashku me ju, por ju premtoj që së bashku me juve do të punojmë për uljen e TVSh-së prej 18 për qind në 8%. Krejt rajonet e kanë 6 ose 8 për qind, vetëm ne e kemi 18 për qind. Të gjitha trajnimet që lidhen me standardet ndërkombëtare për hotelieri, ne do t’i avancojmë”, u shpreh Sogojeva.
“Mos me pas qenë Oda e Hotelerisë dhe Turizmit, po ju garantojmë se 40% të punëve që i keni bërë gjatë pandemisë, e kishit pas punën më keq”.
“Ne do të luftojmë që Qeveria e Kosovës ta heqë akcizën për naftë, së paku të kemi ulje”, u shpreh tutje Sogojeva.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet