FIFA ia lejon Kosovës ndeshjet miqësore

Kështu ka vendosur sot në Tokio të Japonisë, Komiteti ekzekutiv i organizatës botërore të futbollit FIFA

Kombëtareve të Kosovës në konkurrencën e të rinjve, të femrave e të kombëtares amatore, si dhe klubeve kosovare iu lejohet të luajnë ndeshje miqësore me kombëtarët dhe klubet përkatëse të anëtareve të FIFA-s.

Kështu ka vendosur sot në Tokio të Japonisë, Komiteti ekzekutiv i organizatës botërore të futbollit FIFA .

Në një komunikatë të lëshuar nga  FIFA, thuhet se më 21 maj të këtij vitit është marrë vendimi me të cilin anëtareve të FIFA-s iu mundësohet të luajnë ndeshje miqësore me ekipet e Federatës së Futbollit të Kosovës, e cila nuk është ende anëtare e asociacionit botëror të futbollit.

FIFA kishte pezulluar këtë vendim derisa të deklarohet Komiteti i saj Ekzekutiv për shkak të reagimit të Federatës serbe të futbollit.