Lajme
Fitore bindëse e të gjelbërve, humbje për SVP-në dhe SP-në
Në orën 16.00 në SRF janë dhënë rezultatet paraprake të zgjedhjeve për Parlamentin e Zvicrës, që janë mbajtur sot. Ajo që shihet qartë në këto rezultate është rritja e madhe e të gjelbërve, gjegjësisht dy partive të gjelbra GP dhe GLP.
Nga ana tjetër, humbësit e këtyre zgjedhjeve janë SVP dhe SP, dy partitë më të mëdha të vendit.
Rezultatet paraprake të sapopublikuara janë si vijon: Grünen (të Gjelbrit) shtojnë praninë e tyre në parlament për 5.6 për qind (pothuaj dyfish), GLP, për 2.9 dhe CVP, 0.4%. nga ana tjetër, SVP humbet 3.1%, SP, 2.4% dhe FDP 1.2%.
Kështu, sipas rezultatave të publikuara, SVP tani ka 26.3%, SP 16.5%, FDP 15.2% Grüne 12.7%, CVP 12%, GLP 7.6% etj.
Rezultatet i ka përgatitur institucioni për hulumtimin e opinionit, GFS Bern, shkruan albinfo.ch.
Ajo që është paralajmëruar në pothuaj të gjitha sondazhet, “rrëshqitja nga e gjelbra” ka ndodhur madje më bindshëm se që është pritur, shkruan albinfo.ch. Ndërkohë, vihet re se fitoren më të madhe dy partitë ambientaliste (GP dhe GLP) e kanë arritur “në kurriz” të Partisë Socialdemokrate (SP), kur dihet se elektorati i SP-së është i afërt me atë të GP-së, si parti të kampit të majtë që janë të dyja.
Po ashtu edhe partia më e madhe e vendit SVP ka humbur në saje të ngritjes në nivel të lartë të axhendave ambientaliste kohëve të fundit. Si parti e djathtë konservative, SVP qartazi ka ngelur mbrapa nga ky aspekt.
Një rënie të vogël e ka pësuar edhe Partia Liberale (FDP), e cila po ashtu duket se nuk ka qenë në nivel të kërkesave ambientaliste që kanë përcaktuar fituesin e këtyre zgjedhjeve.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor