Sporte Luftarake

Flamuri shqiptar ngritet në Rusi

Evangjeli Veli është peshëngritësja shqiptare, e cila zhvilloi një paraqitje historike në Kampionatin Evropian që po zhvillohet në Rusi, duke marrë medalje bronzi në stilin e shkëputjes. Peshëngritsja shqiptare ngriti 89 kg në tri prova që zhvilloi. Në shtytje Veli u rendit e teta, me 105 kg, përcjell albinfo.ch.

Në vitin 2018 Evangjeli Veli rezultoi pozitive me doping, madje atë vit nuk arriti të marrë pjesë në Europianin që u mbajt në Rumani. Kujtojmë që rreth 2 muaj më parë Evangjeli Veli kishte njoftuar largimin nga kombëtarja, pas disa mosmarrëveshjeve me Federatën, por palët gjetën gjuhën e përbashkët, duke i sjellë Shqipërisë medaljen e radhës në peshëngritje.

Ditët në vijim radhën për të garuar në Europian e kanë Briken Calja, Erkand Qerimaj, Daniel Godelli dhe Krenar Shoraj, të cilët pritet t’i sjellin të tjera medalje Shqipërisë.


LAJME INTERESANTE NGA INTERNETI