Kosova

FSK, pjesë e ushtrimit ndërkombëtar në Gjermani

FSK do të jetë pjesë e këtij ushtrimi me oficer e nënoficerë

E mërkurë, 9 Shkurt 2022 - 23:05 albinfo.ch

Kompania e Deminimit në kuadër të Forcës së Sigurisë së Kosovës, ka njoftuar se do të jetë pjesë e ushtrimit ndërkombëtar “KFOR 30”, që ka filluar të mërkurën në bazën ushtarake amerikane në Gjermani.

“Ushtrimi “KFOR 30” përgatit dhe trajnon trupat për mision në Kosovë, ky ushtrim është vlerësues për trupat para zbarkimit për mision, përkatësisht me fokus kryesor situatën aktuale në territorin e Kosovës”, thuhet në njoftim.

FSK do të jetë pjesë e këtij ushtrimi me oficer e nënoficerë, me qëllim të ndër-veprueshmërisë me partnerët duke bashkëvepruar në një ambient shumëkombësh, për të krijuar ambient të sigurt në Kosovë.