Kosova
Gazeta gjermane: Manastiri i Deçanit pritet t’i hapë rrugë Kosovës për anëtarësim në Këshillin e Evropës
Sot, gazeta gjermane Frankfurter Allgemeine Zeitung (FAZ) ka publikuar një artikull rreth vendimit të fundit për çështjen e pronave të Manastirit të Deçanit, përcjell albinfo.ch.
FAZ shkruan se në një konflikt që zgjati prej më shumë se një dekade për pronën e një manastiri ortodoks serb në Kosovë, Qeveria e Kosovës ka ndërhyrë në favor të murgjve.
“Në qendër të këtij konflikti ishin 24 hektarë pyll dhe tokë bujqësore në afërsi të Manastirit të Deçanit, në Kosovën perëndimore. Tokat i takonin Manastirit sipas disa vendimeve të gjykatave të larta të drejtësisë kosovare. Por, megjithëse Gjykata Supreme (2009) dhe Gjykata Kushtetuese (2016) kishin konfirmuar pretendimin e Manastirit për tokën, Zyra e Kadastrës nuk pranoi të bënte regjistrimet e tokës në favor të kishës për arsye politike”, shkruan e përditshmja gjermane.
Sipas FAZ, mospërfillja e vendimit të Gjykatës Kushtetuese gjatë këtyre viteve ka penguar shanset e suksesit të aplikimit të Kosovës për anëtarësim në Këshillin e Evropës, të cilin e kishte dorëzuar në maj të vitit 2022, transmeton Telegrafi.
Megjithatë, Ministria e Punëve të Jashtme e Kosovës njoftoi Këshillin e Evropës se Zyra e Kadastrës, me udhëzim të qeverisë, kishte bërë regjistrimet e tokës në favor të manastirit.
FAZ shkruan se në të njëjtën kohë, Konsullata e Përgjithshme e Kosovës në Strasburg i dërgoi Këshillit të Evropës një kopje të certifikatave të reja të kadastrit.
“Pritet që Asambleja Parlamentare i Këshillit të Evropës të votojë tani për pranimin e Kosovës në Këshillin e Evropës. Nëse kjo ndodh, Komiteti i Ministrave i Këshillit të Evropës mund të marrë vendimin përfundimtar për pranimin”, shkruan gazeta gjermane.
Kryeministri i Kosovës, Albin Kurti, bëri të qartë të mërkurën se pa ndërhyrjen në favor të manastirit, Kosovës do t’i ishte bllokuar rruga për t’u bërë pjesë e Këshillit të Evropës, edhe pse ai ende e konsideron vendimin e Gjykatës Kushtetuese si “të çuditshëm dhe të pajustifikueshëm”.
Të tjera nga Kosova
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Gotthard, mbi 20 kilometra bllokime trafiku Kërkuesit e diellit që shkojnë në jug do të kenë nevojë gjithashtu për durim këtë të...
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë