Kosova

Geci: Thaçi dha urdhër për vrasjen e Ahmet Krasniqit

Ish luftëtari i UÇK-së dhe ish deputeti i LDK-së, Gani Geci ka shfytëzuar rivarrimin e ish Ministrit të Mbrojtjes Ahmet Krasniqit, për të bërë akuza drejt presidentit Thaçi për vrasjen e Krasniqit.

“Hashim Thaçi ka qenë urdhërdhënësi i vrasjes së Ahmet Krasniqit. Nuk është me rëndësi kush e ka kryer aktin, urdhrin e ka dhënë shabi i përgjithshëm i UÇK-së, më në krye me Hashim Thaçin”, ka thënë Geci.

Ai ka shtuar se me Thaçin do të ballafaqohet në Gjykatës Speciale. 

“Duke u munduar t’i ik Gjykatës Speciale, po mundohet që të gjitha viktimat t’i shpall hero. Hashim Thaçi do të takohet me mua në Gjykatë Speciale. Do të ballafaqohet me mua drejtëpërdrejtë për komunikatën e 59 që e ka lëshuar sikur për mua dhe për disa të LDK-së, për vrasje politike”, ka thënë Geci.