Sport

Gjergjaj triumfon me nokaut

Arnold Gjergjaj ka triumfuar me nokaut në raundin e dytë ndaj Gogita Gorgiladze

Boksieri shqiptar, Arnold Gjergjaj ka triumfuar me nokaut ndaj gjeorgjianit Gogita Gorgiladze, shkruan albinfo.ch.

Meçi nuk ka zgjatur as dy raunde të plota. “Kobra” ka dominuar në raundin e parë, derisa në atë të dytë e ka nokautuar dhe kundërshtari është dorëzuar.

Meçi i së shtunës është zhvilluar në qendrën kulturore dhe sportive në Pratteln.

Gjergjaj kishte përkrahjen e tifozëve shqiptarë, ashtu siç e kanë mbështetur deri më tani, derisa shënoi një fitore të rëndësishme.

Kështu boksieri shqiptar i cili jeton dhe vepron në Zvicër arriti një fitore të rëndësishme dhe po rikthehet në maje, derisa në të ardhmen priten meçe edhe më të rëndësishme.