Lajme

Gjermanët në vitin 2021 kursyen 7.700 miliardë euro

Shteti gjerman theu rekordin e kursimeve

Bëhet e ditur se gjermanët në vitin 2021 në mënyrë shtesë i rritën kursimet e tyre, kështu që pasuria e tyre u rrit në rekord prej 7.700 miliardë eurosh, njoftoi banka DZ, transmeton albinfo.ch.

Mihaell Stapel, ekonomisti i DZ Banka, deklaroi se shkak kryesor për rritjen e pasurisë së qytetarëve të Gjermanisë është përsëri kursimi rekord.

Shkalla e kursimit vitin e kaluar, edhe pse shënoi rënie në krahasim me vitin 2020, megjithatë është 15 për qind. Kjo nënkupton se gjermanët në çdo 100 euro, të cilat i kanë pasur në dispozicion, kanë kursyer 15 euro.

Vala e kursimit filloi në vitin 2020 me paraqitjen e pandemisë, ndërsa kursimi është më i vogël gjatë verës së vitit 2021, kur dukej se po përfundon Kovid-19.

Disponimi konsumues u ul gjatë vjeshtës, me shenjat e para për valë të re të pandemisë dhe masat për mbyllje, theksoi Stapell.