Jeta në Gjermani

Gjermania do të krijojë trena me hidrogjen

Në një prononcim të fundit, drejtuesi i Hekurudhave Gjermane ka dhënë lajmin se po punohet për krijimin e një treni që fuqizohet nga hidrogjeni dhe përshkon rreth 563 km rrugë, transmeton albinfo.ch.

Thuhet se qëllimi kryesor është ndotja sa më pak e ambientit nga çlirimi i dioksidit të karbonit dhe pritet të zëvendësojë 1300 kg naftë të vjetërsuar.

Duhet theksuar se testet do të nisin më 2024 dhe do të zgjasin për një vit. Ai do të jetë i pajisur me dy vagonë dhe do të kapë shpejtësinë e 160 kilometër në orë për vetëm 15 minuta. Emrin ia kanë vënë Mireo Plus H dhe pritet të përshkojë tri qytete, duke reduktuar kështu emetimin e 330 tonëve dioksid karboni në vit, shprehet kompania.

Miero Plus H do të fuqizohet nga bateritë dhe qelizat e karburantit do të konvertojnë hidrogjenin dhe oksigjenin në elektricitet. Treni dyvagonësh do të ketë një diapazon 600 kilometërsh, ku gjithashtu mendohet t’i shtohet një vagon i tretë për të kapur 1000 kilometërshin.

“Qoftë i fuqizuar nga elektriciteti i linjës ajrore apo nga hidrogjeni, kryesorja është që energjia vjen nga burime të ripërtëritshme. Ky vend duhet të jetë pionieri i transportit hekurudhor modern”, tha ministri i Transportit gjerman, Windfried Hermann. /Albinfo.ch


LAJME INTERESANTE NGA INTERNETI