Lajme
Gjermania, kundër idesë së një misioni paqeruajtës të NATO-s në Ukrainë
Zëdhënësi i Qeverisë gjermane, Steffen Hebestreit, tha se kancelari gjerman, Olaf Scholz, ishte fuqimisht kundër çdo ndërhyrjeje të NATO-s në agresionin rus në Ukrainë.
Përkatësisht, një zëdhënës i Qeverisë gjermane iu referua deklaratës së presidentit të partisë polake në pushtet “Ligj dhe Drejtësi” (PiS), Jaroslaw Kaczynski, i cili tha se NATO duhet të shqyrtojë organizimin e një misioni paqeruajtës në Ukrainë.
“Unë mendoj se është e nevojshme të organizohet një mision paqeruajtës i NATO-s me ndoshta një strukturë më të gjerë ndërkombëtare. Do të ishte një mision që mund të mbrohet dhe që do të operojë në territorin e Ukrainës”, tha Kaczynski.
Duke komentuar propozimin nga Polonia, Hebestreit theksoi se kancelari gjerman e kishte bërë të qartë se çfarë mendonte për pjesëmarrjen e NATO-s në Ukrainë.
“Asnjë personel i NATO-s, asnjë ushtar i NATO-s nuk do të dërgohet jashtë NATO-s ose në Ukrainë. Kjo duhet të jetë ende një vijë e kuqe”, citoi Hebestreit të thoshte kancelari gjerman.
Ai gjithashtu theksoi se në këtë kohë nuk mund të bëhet një dallim adekuat midis misioneve paqeruajtëse dhe misioneve të tjera në Ukrainë, gjë që mund të krijojë tensione shtesë në marrëdhëniet me Federatën Ruse.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës