Kosova

Gjilani i bashkohet Ditës Botërore të Librit

Më 23 shënohet Dita Ndërkombëtare e Librit, e shënimit të kësaj date i është bashkuar edhe qyteti i Gjilanit, shkruan albinfo.ch.

Klubi i Leximit në këtë komunë është përkujdesur që të t’iu sjellë libradashësve aktivitete kushtuar librit.

Në bibliotekën “Fan Noli” në Gjilan do të mbahet një tryezë diskutimi për librin, po ashtu një mini panair i shkëmbimit të librave.

“Klubi i Leximit në Gjilan organizon tryezë diskutimi në Ditën Botërore të Librit, ku do të flasim për librin në përgjithësi. Por jo vetëm kaq, sepse si klub kemi vendosur të organizojmë edhe aktivitetin “ Libër i vjetër për libër të ri”, aktivitet i cili na mundëson shkëmbimin e librave që kemi lexuar dhe i mbajmë në shtëpi, mund të i sillni në takim dhe të i ndërrojmë me njëri-tjetrin. Në këtë aktivitet mund të marrin pjesë të gjithë” thuhet në njoftimin e organizatorëve, përcjell albinfo.ch.

Organizatorët po ashtu kanë njoftuar se aktiviteti është i hapur për të gjithë.

23 prilli është shënuar si Dita e Librit më 15 nëntor të vitit 1995, me një rezolutë të UNESCO-s.

Kjo datë  përkon me datën e vdekjes së disa prej shkrimtarëve më të njohur botëror, si Ulliam Shekspir e Migel Servantesi.