Kosova
Gjobiten me 14 mijë euro partitë politike në Kosovë
Në raportin e fundit, Inspektorati i Komunës së Prishtinës nga 11 janari ka filluar të shpërndajë gjoba për subjektet politike të cilat nuk po i respektojnë masat anti-Covid. Këto parti, në prag të zgjedhjeve po grumbullojnë njerëz nëpër takime elektorale, duke thyer kështu masat kundër koronavirusit që janë në fuqi.
Mediat në Kosovë shkruajnë se deri më tani janë shqiptuar gjithsej 14 mijë euro gjoba ndaj subjekteve politike.
Ani pse drejtori i Inspektoratit të Prishtinës, Adonis Tahiri, kishte paralajmëruar partitë politike se nëse nuk i respektojnë masat anti-Covid, do të gjobitën në shumën prej 2 mijë eurove, ashtu siç është e paraparë në Ligjin për parandalimin dhe luftimin e pandemisë.
Më 11 janar Tahiri njoftoi se Inspektorati ka shqiptuar gjobë ndaj Lidhjes Demokratike të Kosovës.
“Askush mbi ligjin! Zbatimi masave për parandalimin e shpërndarjes së virusit, është i domosdoshëm. Shkeljet sanksionohen në bazë të Ligjit për parandalimin dhe luftimin e pandemisë COVID-19 në territorin e Republikës së Kosovës – neni 25, paragrafi 1”, shkroi Tahiri në Facebook.
Po ashtu, ai bëri thirrje që partitë politike t’i respektojnë ligjet dhe vendimet, të cilat i kanë votuar vetë.
“U bëjmë thirrjeve subjekteve politike që të respektojnë ligjet dhe vendimet që vetë i kanë votuar. Në të kundërtën, gjobat iu shkojnë në zyrat qendrore të partive, për secilin tubim në Prishtinë”, deklaroi Tahiri.
Por, thirrja e Tahirit nuk u respektua. Partitë politike vazhduan avazin e grumbullimit, kundër Ligjit në fuqi.
Më 19 janar Inspektorati i Prishtinës shqiptoi gjobë edhe ndaj dy subjekteve politike.
Aleanca për Ardhmërinë e Kosovës dhe Nisma ishin partitë e radhës që u gjobitën me nga 2 mijë euro.
Më 20 janar Inspektorati i shqiptoi LDK-së gjobën e dytë për mosrespektim të masave anti-Covid.
As Partia Demokratike e Kosovës nuk i shpëtoi gjobës për mosrespektim të masave.
Më 25 janar, PDK-së iu shqiptua gjoba 2 mijë euro.
Gjobë “hëngri” edhe Lëvizja Vetëvendosje, për një tubim që ka mbajtur në Prishtinë.
E LDK-së duket se “nuk ia lanë shenjë” dy gjobat e para.
Ky subjekt politik vazhdoi grumbullimin edhe pas gjobave të para, ndërkaq Inspektorati këtë të hënë ia shqiptoi edhe një të re.
Të ngjashme
Të tjera nga Kosova
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane