Bota
Greqia përfshihet nga zjarret, evakuohen qindra turistë
Njëri nga zjarret më të mëdha është ai i ishullit Samos
Qindra njerëz janë evakuuar nga hotelet dhe plazhet e Greqisë, për shkak të disa zjarreve që janë përhapur në pyje. Autoritetet greke i kanë angazhuar rreth 700 zjarrfikës gjatë fundjavës për t’i shuar flakët në disa pjesë të vendit.
Njëri nga zjarret më të mëdha është ai i ishullit Samos. Policia dhe ekipet e shpëtimit i kanë evakuuar qindra njerëz nga hotelet e këtij ishulli për shkak të rrezikut nga flakët dhe ajri i ndotur nga tymi i madh, përcjell albinfo.ch.
Greqia shpesh përballet me zjarre në natyrë për shkak të temperaturave të larta për muaj me radhë gjatë verës.
Të dielën, kryetari i Mbrojtjes Civile paralajmëroi për rrezik të lartë nga shpërthimi i zjarreve në disa rajone, përfshirë Peloponezin dhe Kretën.
Zjarri në Samos i detyroi autoritetet t’i evakuojnë rreth një mijë turistë dhe banorë nga plazhet e famshme në pjesën lindore të ishullit.
Në disa fotografi të publikuara në rrjete sociale shihet tymi i madh që del nga malet dhe turistët duke u larguar me anije.
Departamenti i zjarrfikësve tha se shumica e flakëve janë vënë nën kontroll të hënën. Ndryshe, policia greke i ka arrestuar dy persona për dyshimet se kanë ndezur zjarre qëllimisht, shkruan BBC.
Të ngjashme
Të tjera nga Bota
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit