Lajme
Greqia rimburson deri në 60% tarifat shtesë të energjisë elektrike
Qeveria greke do të vendosë një tavan në çmimet me shumicë të energjisë elektrike për të ndihmuar konsumatorët dhe bizneset të përballen me kostot e rritjes së energjisë.
Programi i mbështetjes së qeverisë do të jetë me katër drejtime dhe do të rimbursojë 60% e gjithë tarifave shtesë të energjisë elektrike që konsumatorët kanë paguar nga dhjetori deri në maj.
Ky rimbursim do të kufizohet në 600 euro, i cili do të mbulojë të gjithë konsumatorët me të ardhura vjetore deri në 45,000 euro, raporton Reuters.
Lajmi u bë me dije nga kryeministri Mitsotakis, i cili tha se qeveria greke në korrik do të nisë një sistem për shkëputjen e rritjes ndërkombëtare të gazit nga faturat elektrike të vendit.
“Pavarësisht nga vendimet europiane, qeveria greke, me iniciativën e saj, do të nisë në korrik një sistem që do të shkëpusë rritjen ndërkombëtare të gazit nga faturat e energjisë elektrike të vendit. Kjo skemë do të funksionojë deri në një vit”, tha kreu i qeverisë.
Për muajin maj dhe qershor, familjet do të përfitojnë 50% zbritje për çdo rritje të konsumit mbi 300 Kwh.
Fitimet shtesë të kompanive energjetike të realizuara gjatë krizës energjetike do të taksohen me 90%.
Duke i përshkruar masat si një “ndërhyrje e dyfishtë e shtetit” në tregun e energjisë, Mitsotakis tha se qeveria po vendoste një kufi indirekt mbi çmimet e energjisë.
Sipas autoritetit statistikor të Greqisë, inflacioni në mars arriti nivelin më të lartë të 26 vjetëve prej 8.9%, i cili përfshinte një rritje prej 30% të kostove për qiranë, energjinë elektrike, ngrohjen dhe gazin.
Për të luftuar inflacionin në rritje, një muaj më parë qeveria njoftoi se do të rriste edhe pagën minimale në 713 euro, e cila është e dyta herë për këtë vit./Euronews
Të ngjashme
Të tjera nga Lajme
E-Diaspora
-
Gjykimi i shqiptarit për vrasjen e dyfishtë në Bazel, nën masa të forta sigurie Ai është dërguar në Gjykatën Penale mëngjesin e së hënës me një automjet të blinduar të...
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
-
Artistet kosovare, Agona Shporta e Tringa Sadiku, më 2 maj, me koncert në Cyrih
-
Taravari: Asnjë proces i rëndësishëm për vendin nuk është bërë pa diasporën
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt i Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët