Hajnat, me maska, vjedhin laptopa në një dyqan në Gjilan

Pamje nga momenti kur katër persona vjedhin laptopat në një dyqan në Gjilan

Katër persona gjatë ditës së djeshme dyshohet se kanë vjedhur disa laptopa në Gjilan.

Arsim Krasniqi, pronar i dyqanit, ka publikuar në Facebook pamje nga momenti kur të dyshuarit vjedhin disa laptopa.

Krasniqi për Koha.net ka thënë se rasti është lajmëruar edhe në Polici, derisa ka bërë thirrje për qytetarët që të ndihmojnë në identifikimin e të dyshuarve.

“Pas një vjedhjeje që ka ndodhur në lokalin tonë në Lagjen Bojanina, rruga ‘Esat Berisha’ më 26.09.2019, ora 01:42, siç shihet në video nga kamerat e sigurisë, vetura e tipit Volkswagen Golf 4 karavan me ngjyrë të gjelbër. Nëse dikush mund t’i identifikojë personat në video dhe foto, ju lutemi të informoni Policinë e Kosovës. Ju faleminderit për bashkëpunimin”, ka shkruar Krasniqi në Facebook.

 

 

 

 

 

 

 

 

 

---