Kosova
Haradinaj: Jam i detyruar t’i mbroj arat nga vëllai im Edi Rama
Replikat mes tyre vijnë në një kohë kur politika në dy anët e kufirit është përfshirë në debat për nismën “Open Balkan”
Ish-kryeministri i Kosovës, Ramush Haradinaj, i është përgjigjur kryeministrit Edi Rama, duke dhënë një version tjetër në lidhje me debatin në Berlin në prani të kancelares gjermane Angela Merkel dhe presidentit francez, Emanuel Macron.
Në një intervistë për Radio Televizionin e Kosovës, Haradinaj konfirmoi se ka pasur bisedë me tone të ashpra, por sqaroi se i është drejtuar kryeministrit Rama dhe jo liderëve europianë.
Ai i cilësoi të pabazuara pretendimet e kryeministrit të Shqipërisë dhe tha se u detyrua të ngrinte zërin për shkak se në atë kohë Rama ka qenë i rreshtuar gabim, për ndarjen e Kosovës, për hapjen e kufijve të Ballkanit, një qëndrim i rrezikshëm që do ta çonte rajonin në luftëra të reja.
Duke iu referuar deklaratës së kryeministrit Rama, se qëndrimi i Haradinajt për t’u treguar arat liderëve europianë humbi shansin e Kosovës për liberalizimin e vizave, ish-kryeministri kosovar dha këtë përgjigje: “Jam detyruar t’i mbroj arat nga vëllai im Edi Rama”, tha ai, përcjell Albinfo.ch.
Një ditë më parë, kryeministri Edi Rama tha se qeveria gjermane mbështet ‘Open Balkan’ dhe hodhi poshtë kritikat ndaj kësaj nisme. Sipas tij, Gjermania pret nënshkrimin urgjent të marrëveshjeve për Tregun e Përbashkët Rajonal para Samitit BE-Ballkan më 6 tetor”.
Por për Jeton Zulfaj, këshilltar politik i kryeministrit Albin Kurti, Gjermania nuk mbështet këtë nismë, por Tregun e Përbashkët Rajonal në kuadër të Procesit të Berlinit”.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Pse Zvicra subvencionon tarifat vetëm për disa studentë të huaj? Ndërsa studentët ndërkombëtarë duhet të paguajnë tarifa më të larta shkollimi se sa homologët e tyre...
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë
-
Gjuha shqipe forcon integrimin
-
Studimi i ri zbulon se ku në Zvicër punonjësit fitojnë më shumë dhe më pak