DE Balkani

Haziri jep detaje për bashkatdhetarin nga Zvicra që kërkoi të testohej

Ai kishte rezultuar pozitiv.

Një rast i ri me koronavirus është shënuar sonte në Gjilan. Pas njoftimit të IKSHPK’së, ka reaguar kryetari i Komunës Lutfi Haziri i cili ka dhënë detaje për rastin.

Ai ka shpjeguar se bëhet fjalë për një bashkatdhetar i cili kishte planifikuar që nesër të nisej për Zvicër. Paraprakisht ai kishte kërkuar të testohej, me ç’rast doli pozitiv.

Në Gjilan aktualisht janë 21 raste aktive me koronavirus, derisa 10 të tjerë janë shëruar.

Shkrimi i plotë i Hazirit në Facebook:

#Dita77. IKSHP na njoftoi se në Gjilan e kemi një rast të ri pozitiv me #Covid-19. Bëhet fjalë për një bashkatdhetar tonin, i cili ka pasur të udhëtojë nesër për në Zvicër dhe me kërkesën e tij i është nënshtrur testimit.Do të ritestohet sërish, por t’u konfirmuar.

Përndryshe, nga 31 persona sa kanë qenë aktiv, 11 janë shëruar plotësisht dhe 21 i kemi aktiv me #Covid19. Po punojmë që edhe rastin e fundit ta mbyllim sa më shpejt.

Ndërkohë, lajmi për hapjen e xhamive dhe kishave për besimtarët, na ka gëzuar shumë. Kemi bërë dezinfektimin e xhamive dhe në bashkëpunim me KBI’në, po e përgaitisim hapjen e faltoreve.

Jemi në koordinim me ministren e Arsimit, lidhur me planet për shkollat dhe rolin e komunave.

Po ashtu, ekonomia dhe sektori publik e privat janë riaktivizuar.

Koha me largu kufizimin në qarkullim dhe hapjen e kufijve.

Ju lutem që të vazhdoni akoma t’i përdorni masat preventive dhe ta mbani distancën sociale!