Humbin kontaktet 2 turistë të huaj në Valbonë

Është bërë e ditur se para pak ditësh, dy turistë nga Suedia dhe Rusia kanë humbur rrugën duke eksploruar territorin nga Valbona në drejtim të Thethit.

Menjëherë janë angazhuar Forcat e Policisë së Tropojës për gjetjen e tyre. Për shkak të terrenit të vështirë, vazhdojnë kërkimet nga punonjës policie që po kontrollojnë territorin me këmbë.

Kërkimet intensive nga shërbimet e Policisë kanë vazhduar që prej mbrëmjes së djeshme, kur turistët kanë shkëputur kontaktet për shkak të fikjes së celularëve nga rënia e baterisë.

Punonjësve të Policisë që janë në kërkim të turistëve u janë bashkuar edhe alpinistët e vendit.