Lajme

Hyn në histori, 21-vjeçarja lundron 70 ditë e vetme në mes të oqeanit

Për të qenë e veçantë, patjetër duhet bërë diçka më ndryshe në kuptimin pozitiv. Veçmas me diçka që ke pasion dhe vullnet. Një ngjarje interesante ka ndodhur nga britanikja Jasmine Harrison, e cila është bërë gruaja më e re që lundron vetëm përtej Oqeanit Atlantik, duke përfunduar një udhëtim prej 4800 kilometrash nga Spanja në Antigua, transmeton albinfo.ch.

Thuhet se 21-vjeçarja Harrison përfundoi sfidën Atlantik Talisker Whisky 2020, të shtunën në 70 ditë, 3 orë dhe 48 minuta, një rekord i ri botëror për femrën më të re në botë që lundron vetëm përtej çdo oqeani.

Harrison, nga qyteti i Thirsk në Yorkshire në Angli, shkroi në faqen e saj të internetit se ishte frymëzuar për të marrë pjesë në sfidë ndërsa po notonte në Karaibe.

Ajo thotë se shpreson të sjellë frymëzim për të rinjtë me shembullin e saj, sepse ndonjëherë është në rregull të ndjekësh gjërat vetëm.