Kosova
INSTAT: Shqipëria përfitoi nga taksa 100 për qind ndaj Serbisë
![](https://www.albinfo.ch/wp-content/uploads/2019/02/taksa_1-587x323.jpg)
Thuhet se për 10 muajt e parë të këtij viti, Shqipëria ka eksportuar drejt Kosovës produkte me vlerë prej rreth 204 milionë euro. Në raport me të njëjtën periudhë të një viti më parë, eksportet u zgjeruan me gati 13 për qind. Por, pas një nisjeje të mirë në muajt e parë të vitit, ritmi i tyre u ngadalësua ndjeshëm në vijim.
Duke qenë se tregu i lënë bosh nga Serbia, pasi Kosova vuri taksë 100 për qind për produktet e saj, duket se nuk është arritur të shfrytëzohet nga prodhuesit shqiptarë, teksa eksportet në 2019-ën u rritën shumë më pak se dy vjetët e mëparshme, kur ndryshimi vjetor në 2017-ën dhe 2018-ën për të njëjtën periudhë ishte përkatësisht 30 dhe 27 për qind, sipas të dhënave të INSTAT.
Vlen të theksohet se produkti më i eksportuar në Kosovë është giza dhe çeliku, me 38 për qind të totalit, përcjell Monitor përmes një analize.
Ndërsa produkti i dytë më i eksportuar është ai i lëndëve djegëse me 13 për qind të totalit. Për periudhën janar-tetor të këtij viti eksportet e këtij grupi u zgjeruan me 7.6 për qind, që ka ardhur nga rritja e shpejtë në muajt e parë të vitit, por më pas, me bllokimin e aktivitetit të rafinerisë së ARMO, tendenca u ngadalësua ndjeshëm.
Nga ana tjetër, grupin e tretë e përbëjnë produktet e gëlqeres dhe çimentos, që përbëjnë 9 për qind të totalit, me një rritje prej gati 10 për qind me bazë vjetore.
Eksportet e frutave dhe pijeve kanë shënuar një rritje të lartë dyshifrore prej rreth 30 për qind, por ato mbeten të ulëta, duke përbërë vetëm 3 për qind të totalit të eksporteve drejt Kosovës.
Sipas të dhënave nga Dogana e Kosovës, nga vendosja e tarifës 100 për qind, Serbia ka eksportuar 430 milionë euro mallra më pak. Që nga 21 nëntori i vitit të kaluar, vlera e produkteve të importuara nga Serbia në Kosovë është 4 milionë euro, kurse nga Bosnja e Hercegovina 2 milionë euro. Në Dogana shprehen se importi i mallrave nga Serbia dhe Bosnja e Hercegovina është zëvendësuar nga vendet e rajonit apo të Bashkimit Evropian, përcjell albinfo.ch.
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
Jeta në Zvicër
-
Samiti për Ukrainën: Neutraliteti zviceran “në zjarr” Një nacionalist kryesor i krahut të djathtë zviceran ka kritikuar samitin për Ukrainën që është mbajtur...
-
Konsullata e Republikës së Kosovës në Cyrih me telegram ngushëllimi për familjen Dalipi
-
Ish-politikani zviceran, Leuenberger, për herë të pestë në Kosovë
-
Gati 100 postierë dhe korrierë në vit sulmohen nga qentë, në Zvicër
-
84 delegacione mbështesin deklaratën përfundimtare të samitit të Ukrainës