Shqipëria
Investimi i madh në Shqipëri me 6.5 milionë euro dhe 600 të punësuar
Aktiviteti ekonomik i “Yura”, do të fillojë në Shqipëri brenda vitit 2019, ku do të punësohen rreth 600 punonjës, ndërsa vlera e investimit është parashikuar 6,5 milionë euro në fazën e parë
Një ndër kompanitë e njohura në botë për prodhimin e elementeve elektrike të automjeteve ka hyrë zyrtarisht në Shqipëri, ku do të zhvillojë aktivitetin e saj.
Kompania nga Koreja e Jugut “Yura Corporation” ka vendosur të zhvillojë aktivitet në Shqipëri pas negociatave të zhvilluara më herët.
Ministrja e Financave dhe Ekonomisë së Shqipërisë, Anila Denaj, priti në një takim zyrtar përfaqësuesin e kësaj kompanie Lukas Nam.
“Pasi bëmë një studim edhe në vendet e tjera të rajonit, zgjodhëm Shqipërinë për të investuar për shkak të fuqisë punëtore të kualifikuar, kostove konkurruese, pozitës gjeografike, si dhe incentivave lehtësuese nga ana e qeverisë shqiptare dhe përkrahjes të AIDA-s”, u shpreh Nam, transmeton ‘Scan’.
Referuar njoftimit zyrtar, plani i biznesit i propozuar nga kjo kompani synon zhvillimin e zonës më një sipërfaqe rreth 4.9 ha, pronë shtetërore, e njohur si “Baza e Tubove” që ndodhet në Zhupan të Fier. Kjo zonë është përcaktuar si zonë me përparësi zhvillimi për këtë industri nga qeveria në 2018, përcjell albinfo.ch.
Aktiviteti ekonomik i “Yura”, do të fillojë në Shqipëri brenda vitit 2019, ku do të punësohen rreth 600 punonjës, ndërsa vlera e investimit është parashikuar 6,5 milionë euro në fazën e parë.
Faza e dytë e këtij projekti parashikon një ri-investim me 13 milionë euro dhe numrin e punonjësve me 1100 vetë.
Në planet afatgjata kompania parashikon edhe hapjen e dy fabrikave të tjera në Shqipëri, me një numër total punonjësish rreth 4000 vetë.
Aktualisht “Yura” operon në 12 vende të botës, me 60 fabrika në sektorin e prodhimit të sistemeve elektrike dhe pjesëve elektrike për automobilë, për kompani, si: Kia dhe Hyundai, AUDI, dhe Mercedes-Benz.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor