Italia inkurajon Kosovën të vazhdojë dialogun me Serbinë

Kryetari i partisë Nisma Socialdemokrate, Fatmir Limaj, ka pritur sot në takim ambasadorin e Italisë ne Kosovë, Piero Cristoforo Sardi.

Limaj e ka njoftuar ambasadorin Sardi për takimet e para që delegacioni shtetëror po i zhvillon disa ditë pas votimit në Kuvendin e Kosovës, përcjell albinfo.ch

Ambasadori ka thënë se Kosova ka bërë një hap të madh me votimin e këtij delegacioni dhe se Roma inkurajon Kosovën të vazhdojë dialogun me Serbinë

Sipas tij, ideja e këtyre takimeve është koordinimi i aktiviteteve dhe marrja e gjithë informacioneve dhe dokumentacionit se çka është biseduar deri më tani me Serbinë.

“ Kosova futet në këtë dialog me objektiva të qarta; arritjen e një marrëveshjeje përfundimtare e cila çon në njohje reciproke dhe mundëson anëtarësimin e Kosovës në OKB dhe në organizata tjera ndërkombëtare”, ka thënë Limaj.